Amarg amazigh....!!!

G

Guest

Guest
Wanna issen umrag, izêdar a t yara ghid. Rad awen izwirgh s yat tazrrart (poème) f tmazight.

Tar kemmin, a tamazight
Ur gigh yat, ur gigh amya
Tgit tasmmunt n tudert,
Ur en jju gi teflet
Tbidet bedda gh tama nu

Tar Kemmin, a tamazight
Rad jlugh, uddêrgh...
Ur a sul ssengh man tasga
Ura man amnid, ar ad mungh
Tgit yyi tifawt, tillas ur ten ksûdgh

Tar kemmin, a tamazight
Tagwmat, idamen d tiddukla
A ten sul akw ur nadra
Tar kemmin, a tamazight
Tamunt, tayri d tmagit
A ten ka nettu

Tar kemmin, a tamazight
Afgan amazigh, is ra ka ingi
Wanna kem ijlan, manik as ra
Inna iga amazigh?
Wanna kem ur isawln, manik as ra
Inna iga amsiàr s timmuzgha?
 
Tanmmirt f isgizulen nek ay Axsasi, ghay an a f rad ak rzfegh tazrrart ad lli mu ssaghegh, "man n marur"

Idazen n twargiwin
Gh tizzu n n umzruy
Tidet, tzugt adrar n Dern
Id war anruz ar en gis
teggan cala

Ar ed ura awal,
Ar ed ur tmmuktit,
Ar ed ura aman,
Inghay agh fad
Nga ignawen....
Tasutin ay ad

Argan ar ismittîw
Iga aynan, iga hêrdîd
Alen zggwaghnin, ur asen
nnan ay amar.

Âh inu gigh anmattay!
Zuggh gh imadêlen
N ijijjiwen d id baghrar
Twwungimt, ur sul tesfka s yat
Is akw termi, is akw tuwsr.

Menck ad ghaldegh!
Izd aman ad ssagh
Nek, fkigh t ukan
Imttâwen n umadan negh
Illan gh ddu ufus

Man agu ar ad ifsi iskraf?
 
You must log in or register to reply here.
Back
Top