TARWA N WAZUL.....(Tamagit tamwassant-tadelsant n Tarifit)

[Tasoussiet]

Azul fellawen,

Ha yat s Tarifit.....;-)

"Neccin d tarwa n wazul....

Narezzu azul i ddunict marra....

Narezzu ad tari tfuct n tirelli...

Marra min idjan t timura....

Nessitim aghemmuy i tsatar...

Izdeghen di tarura....."

**********

"Neccin d tarwa n wazul....

Narezzu azul i ddunict a marra

Neccin d tawmat n "Guivara"...

Narezzu ad uydant tseqqar...

N-waghrum d tamara....

Neccin d wa d awar ineqqar....

Wenni ghar djan imezzughen...

Yarzèm iten ad ittserra....

Wen isniâmiren iddargher...

Tiwecca ad ittwara...."

***********

"Neccin d tarwa n wazul...

Narezzu azul i ddunict a marra...

Neccin d tarwa n wazul....

Neqqar it s wur...

war dji s uqmmum...

Amnus imuddaren...

Aqqat ghar negh g wur d ayzzum....

D ayzzum, d ayzzum....

War inggi, war ittudum....

War itzadjiâ war issusum...

Illa marra idwar d ughrum n tudart...

I wefgan iteddaren izum...

Sennej i wecar...

Umi syardèn tarzugi d usemmum..."

**********

"Neccin d tarwa n wazul....

Neccin d tawmat n "Guivara"...

War nerezzu atum...

Ura d uranium...

War narezzu wurgh...

Ura d platunium....

War narezzu illa tasghart n tfuct...

I wi g iteddaren ighum...

War narezzu illa aghemmuy...

Izuran ittàwen am arum...

S teharyadin ittegan ijemran...

Jar ixsan d aysum...."

*******

"Neccin d tarwa n wazul...

War narezzu illa azul....

Tsèqqar n waghrum...

Imarra min days di tudart d aqemmum...."


Timensiwin.....

Tasoussiet