Textes Ishelhiyn

[idir]

Ayt Swab

IMIKER D BAB N TEGMMI

Idda yan imiker ikcem s tegmmi n yan urgaz gh yîd. Ur gis illi ma ittak°er abla tumzîn. Bab n tegmmi izêr-at lligh n ikcem s tegmmi. Ifss, ur as-inni yat. Ikks imiker aqccab-nnes, iàmmer-t s tumzîn, isers-t. Iddu ar ittmurruy gh tegmmi is ra yaf kra n teghawsa yâdnin. Bab n tegmmi yusi aqccab n imiker-lli iàmmer s temzîn, ihêdû-t gh yan lmakan. Lligh d yudâ imiker ur d yufi yat, yaf d aqccab lli lâh-t. Iddu a iffugh gh imi. Inna yas d bab n tegmmi : « Igh teffught, teqqent imi. » Inna yas imiker : « Skar asn ghikad, ad akk° ur teqqent imi. »

source: mondeberbere.com



[ Edité par idir le 19/2/2004 11:07 ]

 

[idir]

Ayt Wawzgit

ÎD N NNAYR


Ass nna igan îd n nnayr, iggru gh dujambir. Da ttidunt tmgharin, zêdnt ibawn. Ddun ijijan s igran, awin d gisn tammayt d zzitun d udâr n utbir t tmzzûght n tili d lfssâ d txsayt d uqurr. Awin tammayt d zzit, gnt i làtbat n tgmmi. Asin aqurr d lfssâ d xizzu d udâr n utbir d tmzzûght n tili, fkn tn i tmgharin.

Asint tmgharin dghayann kullu, zaydnt gis yan waqqa, gnt nn dghayann gh tgdurt, ntta d ibawn. Gnt fllas aman zîdrnn, ar ingg°a. Ar tassaàt nna inwa, asint dagh tifiyya d zgzaw mis, gnt stt inn gh tgdurt ula nttat.

Tassaàt nna irâh imnsi, asint d talxca, ar tt cttan kullu ayt tgmmi. Wa nna gitsn yufan aqurr gh tlxca, nnan as : « Iqqur uxsas nnk ! » Wa nna yufan aqqa, nnan as : « Îhla yak ssàd nnk ! »

Tassaàt nna ccan, asin yat tmttûst n ughrum. Mmun tt inn gh tlxca, gn tt inn dar tdârt n tflut, ag gis tns.

Asin dagh tagdurt ann n ûsgâd. Ccn t, ssarn dghayann gh udis nns, g°n, rghn. Zikk, igh d nkrn, qllbn tamttûst, da gan gh dar tdârt n tflut. Nnan, igh nn gis ufan kra n ccàr n wulli, nnan ak : « Rant ad darsn zaydnt wulli gh usgg°as ann. » Igh mi gis ufan inzêd n imugayn, nnan : « Rant ad darsn zaydnt lbhaym. » Igh nn gis ufan inzêd n ughyu1, ngh asrdun, nnan : « Ran ad darsn zaydn gh usgg°as ann. » Igh nn gis ufan kra n ccàr izgg°aghn ngh izgzaw, ngh awragh, nnan : « Ira ad darngh izayd kra n lfrac asgg°as ad. » Igh nn gis ufan kra n tsttixt, nnan : « Ira a immt kra gisn gh usgg°as ann. »

Ilin dagh wi da iskrn lqaàida yâdnin. Da ttasin ibawn d yirdn d tmzin d umêsri d ikikr d tniltit. Ssarn tn, ar tn cttan gh yîd n nnayr. Rghn s lktrt n dghayann ssan. Nnan : « Ha nn asgg°as ibddl, irgha lhâl, tkka d trghi akal. » Illa gis 1baàd n isgg°asn, dda d nkkrn, afn d tilist, tqqn asn imi n tgmmaw.

source: mondeberbere.com

 

[idir]

Intift(ntifa)

POIRES MAGIQUE

Illa yan urgaz ur dars illi yat, iddu(ifta) dar gmas, innas: “kf(fk) iyyi masa t3ayyadgh i warraw inu!” inna yas: “ur ghigh ad ak kfgh amya!” inna: “ullah ghir ddigh s lbh’ar a gis gd’gh a yyi yawi”. Iddu ar tama lbh’ar, ign aflla n yat n tfirt(houtstronk), ili yan ugllid g yat tgzirt, tili dars tmazirt imqqur’n, walaynni ur dars ma gis ikkrzn, issin imddukwal nns g yat ssfint inna yasn: “ig tufam kra n urgaz, tawwim t id!”.
Yan wass saqqln(saqql=smaqql) s taynnit(tasga) lbrr, annayn bnadm ign tama lbh’ar, ar d snmalan(walan) ssfint ur didasn yuki, ddun allig(alligh) d yukwi yaf ixf nns g ssfint(TANAWT), awwin t ayllig d inn slkmn i ugllid, inna yas: “is jin tgit aflah’!” innas: “tawwri nu ayagh(ghaya)!”. Ikf as yan ukccud’ n tfiras, inna yas: “z’z’u t, ig imghi, iskr tifiras, kfgh ak kullu ma trit, ig ur iskir amya, bbigh ixf nnk!”. Iz’z’u t, ar t isswa taduggwat ula s'bah’, ur ikki yan mnaw yirn(maanden) ayllig(aylligh) iskr snat tfiras ur jin izr’i zund nutnti, inna yas ugllid: “ma trit, lmal ngh snat tfiras ad?” inna yas: “righ lmal a sidi!” Ikf as ayda ira, asin t id dagh g ssfint ar adghar(ansa/LIEU) lligh sg(zgh) t usin, srsn t gis, iddu s tgmmi nns, yaghul(iwrri) itr’r’h’a(LABAS DARS) uggar n gmas, tack d tmghart n gmas darsn, tnna yasn : “mani srun d ikka lmal?” tnna yas: “ha ma iskr urgaz inu!” Tddu d, tnna t i urgaz nns, iskr ula ntta mkda iskr gmas, walaynni kud(kud nna) as inna ugllid,
ma trit ?, isd lmal ngh tifiras ?, inna yas: “a sidi, lmal illa dari bahra, righ tifiras ad.”
Asin t id g ssfint, inna “ullah ar d md’igh sg tifiras ad.” Imd’i sgis, yafn tat’fi nnsnt ur jin t izr’i, ku tikklt imd’i sgis ayllig innt icca snat itsnt, ffghn sin waskawn g ixf, ayllig d yucka s tgmmi, tnna yas tmghart nns “ma t tiwwit?” iks rrzt sg uflla n ixf nns, ismla yas askawn, inna yas “ha mad yuwigh”.

source : Contes berberes du maroc

[ Edité par idir le 19/2/2004 11:08 ]

[ Edité par idir le 19/2/2004 11:10 ]

 

[idir]

Guedmioua & Goundafa

Lqîst n ya wuccen netta d Bumhând

Yan wass crken tayyuga, kraygat yan s tyyuga nnes d mnasêf n wamud. Krzen tayyuga nnesen, ddan s tgwemma nnesen. Kraygat luqt ar tkkan f tyyuga nnesen ayelligh tenwa. Skren mnasêf n ixeddamen gh unrar. Sruten, zuzzren. Inna yas wuccen i Bumhând : "Is tssent ma ra nesker ? A neddu ar tawrirt an, nazzel d gis. Wanna en izwuren s unrar, yawi tumzîn, yawi wanna igguran alim." Inna yas Bumhând : "Waxxa, walayni a neddu s tgwemma nnegh ar asekka lefjr. A nenmaggar gh tawrirt an s tennit."

Idda wuccen, idâlb tiwizi n aytmas, a yawel f a yasi tumzîn. Inna d ixef nnes : "Nekkin a yeran a yezwur Bumhând."

Ibba Bumhând, ismun aytmas, ibdû ten kullu gh ugharas lli gh ran ad azzlen. Kraygat yan igat gh krâd izmuzzâl. Inna yasen : "Igh k ukan yuki, tnnit as : ara ma tentêr !"

Sbâh nmaggaren tawrirt lli. Inna yas : "Bismillah d imikk n tbismillaht." Azzlen ukan. Yakwi uccen Bumhând, ifelt, s n yufa wayyâd gh lgweddam nnes. Yakwi dagh. Ighal wuccen : "Iz d ghir walli ka a yega".

Irûh ukan wuccen anrar, yafen gis Bumhând lli gis insan, ilkem xemstaàc n leàbar. Inna yas wuccen : "Bismillahi rrahêman rrahîm, ljen a yega ghayad ! Flegh tin gh tghwerdîn, izwar iyyi s anrar !" Yasi Bumhând tumzîn, yasi wuccen alim.

source; mondeberbere.com

 

[idir]

S UFLLA

Some animations: