Tigemmi n imnaden
Inker yan urgaz ar issali yat tgemmi ma gh ittezdagh, ig as imi s tama n ugharas ikkan tama n tgemmi. Yan wass izri ed yiwen urgaz d ugharas, yaf t id, ismuqqel g tgemmi da, yini yas i bab n tgemmi : "azul" irar ed bab n tgemmi :"azul"; yini yas: max is txwelit a tegt imi n tgemmi nnek s tesga n ugharas, kullu wan izrin ad as ed iban ugensu n tgemmi, lala ur tgi tad tawwuri. Max as ur tegt imi s tesga yann yâdni. Iswingem bab n tgemmi, yaf enn amnad (opinion) n urgaz ifulki, yadj imi da, isker wayyâd gh illi yas inna. Yiwen wass yâdni izri ed dagh yan yâdni yini yas: "max a yargaz is tnufelt ad tegt imi n tgemmi nnek s tesga yad? tafukt ur sar ak teffagh imi n tgemmi! ihêrm ak igiwer n imi n tgemmi g unebdu. Max ad ur tskert imi s tesga yann g illa umalu? IIswingem bab n tgemmi iban as dagh wad is ighwzân, ifel imi da isker wayyâd g illi yas inna. Mkan kaygat ass d mad ed izrin ifk as amnad nnes, yaf t in ifulki isker t, ayilli kullu yga tigemmi n ugherda. Yuhêl, itlef ur issin ma yeskar. Man imi ra yeqqen man wad ra yerzêm. Llig irmi, inker yadj akw tigemmi ad, iddu s yan udghar yâdni ar gis issali yiwt tgemmi tamaynut, ifel talli. Yan wass izri ed dagh yan urgaz yini yas ayelli yas nnan willi xef tgemmi taqburt: "hat imi yad ur ed yucki ghid gh t git"; isawel ed irar as ed: "ssefeld a flan, tigemmi yad hat tinew a tga, tigemmi n imnaden, rzêm allen nnek zêr tt in, hatt g udghar ann yâdni"
M. El Ouazguiti -Tifawt-
Inker yan urgaz ar issali yat tgemmi ma gh ittezdagh, ig as imi s tama n ugharas ikkan tama n tgemmi. Yan wass izri ed yiwen urgaz d ugharas, yaf t id, ismuqqel g tgemmi da, yini yas i bab n tgemmi : "azul" irar ed bab n tgemmi :"azul"; yini yas: max is txwelit a tegt imi n tgemmi nnek s tesga n ugharas, kullu wan izrin ad as ed iban ugensu n tgemmi, lala ur tgi tad tawwuri. Max as ur tegt imi s tesga yann yâdni. Iswingem bab n tgemmi, yaf enn amnad (opinion) n urgaz ifulki, yadj imi da, isker wayyâd gh illi yas inna. Yiwen wass yâdni izri ed dagh yan yâdni yini yas: "max a yargaz is tnufelt ad tegt imi n tgemmi nnek s tesga yad? tafukt ur sar ak teffagh imi n tgemmi! ihêrm ak igiwer n imi n tgemmi g unebdu. Max ad ur tskert imi s tesga yann g illa umalu? IIswingem bab n tgemmi iban as dagh wad is ighwzân, ifel imi da isker wayyâd g illi yas inna. Mkan kaygat ass d mad ed izrin ifk as amnad nnes, yaf t in ifulki isker t, ayilli kullu yga tigemmi n ugherda. Yuhêl, itlef ur issin ma yeskar. Man imi ra yeqqen man wad ra yerzêm. Llig irmi, inker yadj akw tigemmi ad, iddu s yan udghar yâdni ar gis issali yiwt tgemmi tamaynut, ifel talli. Yan wass izri ed dagh yan urgaz yini yas ayelli yas nnan willi xef tgemmi taqburt: "hat imi yad ur ed yucki ghid gh t git"; isawel ed irar as ed: "ssefeld a flan, tigemmi yad hat tinew a tga, tigemmi n imnaden, rzêm allen nnek zêr tt in, hatt g udghar ann yâdni"
M. El Ouazguiti -Tifawt-