Uhregh sqaregh
Arzem xaf-i tawwart,
Mayemmi i day-i tcarfed zeg udhar?
Necc xsegh ad snegh:
Min din awarn i reswar?
Yemma jj-ayi ad effghegh,
Ad ge3degh x idurar,
Ad arzugh x tidet,
Tenni iruhen tweddar.
Jj-ayi ad sghuyyegh s jhed,
Mayemmi id ayi teqqard: sqar?
Necc uhregh sqaregh
Minzi kurci iweddar,
Xsegh ad 3awnegh uma
Ghar wezra3 d wemjar,
A nesmun rmattat
Di rwest n yiyyar,
A nfarh, a necdheh
Ghar taziri d uyar.
Tammurt ghar- nnegh attas,
Maca war tt-dehar
Minzi s wefradh d usennan
I zi nettat t3emmar.
Yellhat, a yaytma!
A neffghet ghar yiyyar,
A nqer3et asennan,
Ad as newwet x rejdar.
Tammurt nnegh d tesbah;
Ixes war tte-netar,
A tte-nfardh a te-nhewedh,
A tt-nezzu marra d newwar.
Fadma Elwaryachi
Arzem xaf-i tawwart,
Mayemmi i day-i tcarfed zeg udhar?
Necc xsegh ad snegh:
Min din awarn i reswar?
Yemma jj-ayi ad effghegh,
Ad ge3degh x idurar,
Ad arzugh x tidet,
Tenni iruhen tweddar.
Jj-ayi ad sghuyyegh s jhed,
Mayemmi id ayi teqqard: sqar?
Necc uhregh sqaregh
Minzi kurci iweddar,
Xsegh ad 3awnegh uma
Ghar wezra3 d wemjar,
A nesmun rmattat
Di rwest n yiyyar,
A nfarh, a necdheh
Ghar taziri d uyar.
Tammurt ghar- nnegh attas,
Maca war tt-dehar
Minzi s wefradh d usennan
I zi nettat t3emmar.
Yellhat, a yaytma!
A neffghet ghar yiyyar,
A nqer3et asennan,
Ad as newwet x rejdar.
Tammurt nnegh d tesbah;
Ixes war tte-netar,
A tte-nfardh a te-nhewedh,
A tt-nezzu marra d newwar.
Fadma Elwaryachi