La Prose

[lacen]

Re : La Prose

Ahaqqar netta idtfar titbirin. Llig en iwdtent ansa g illa Ziraku mm tzelgha tessundt i tetbirin ad wdtant gher akal. Agherda netta ,amk da nettisin, s tugda da yesgidiy ixuba ,netta ayd innan "sgidy ixuba tenjemd!",ihi lalla-s n tetbirin tessen is ur ighiy ad-d iffegh ghur s mk ur issin may tems ,ayennagh ayd ttegga tenmili-n gher yan seg ixuba teghr-as s y ism nns" :
-Zirakuuuuu!
Irar-as :
-Matta kemmint ?
Tenna-s :
-Nek tasmunt nnk iàezzan dar k bahra ! Tatbirt mm tzelgha!
S umdaz iffegh-d ghur s msudumn ,inna-s:
-Mamk awnt ijra allig tewdtamt g urwas a!
Tenna-s :
-Ityara ghif ngh uya ! D-tirra n rebbi ula ma gher asnt irwel awdyan!
Ibdu wgherda ar as ittebbi timukras ,imik tenna-s:
-Ddu bbey i tiyadt ifilan ghif snt inndten.
Maca Ziraku ammi wr as isella irnu xs ar itqejjam timukras s tughmas nns imdtan .Tals as i may da-s tenna atdas n tikkal ,imik inna-s :
-Is ur ighuda dar m y ixf nnm?! Is ur tertid i y iman nnm !!?
Tenna-s :
-Ksudtgh ad tulwad termid adday tebbid timukras inw ,yuf mk tebdid seg tiyadt tadjd i ar tigira ,dinnagh ad isingh is ur tennid ad tulwad acku wr ttirid ad qqimgh da g tratsa!
Inna-s ugherda :
-Awal nnm abda inem yadtfut ,da y i yessebghas ar isdus tayri ger angh!
Yagh en ugherda ghf tmukras n tratsa ,ur yusi tighft nns allig ffghent tetbirin akw nsent seg temdit.Snimmrent t cigan ,aylalnt gher igenwan deffir lalla-nsent Tatbirt mm tzelgha. Llig yannay ugaywar ma yessker ugherda ,inna g ixf nns nwis as ilaq ad t ig d-ameddakl nns ,inmala-n gher axbu n Ziraku iger as tighri :
-Zirakuuuu! Awa ffegh-d
Imik s imik ard issufugh ugherda tixft nns seg yan uxbu ar as ittini :
May trid ? Matta keyyin !?
Inna-s uhaqqar :
-Awa ddigh-d ad mdukkulgh idk .
Inna-s ugherda :
- Max ma y i yessarn idk?! Mantur ayd nella da nettemsawal ar nettemsawadt ?! Han unzsiz netta wenna yetteggan ayenna mi yezdtar d uyenna gher yufa y abrid maci ad ittegg ayenna mi wr izdtar ula yessen t !

 

[aksel]

Pour une écologie de l' humain

​

 

[lacen]

Re : La Prose

Inna-s ugherda :
- Max ma y i yessarn idk?! Mantur ayd nella da nettemsawal ar nettemsawadt ?! Han unzsiz netta wenna yetteggan ayenna mi yezdtar d uyenna gher yufa y abrid maci ad ittegg ayenna mi wr izdtar ula yessen t ! ksudtgh ad i tetced!
Inna-s uhaqqar :
-Tadukli nnk tuf i utci nnk! Ur ghf k ed yusi ad ak rzugh an-nili d-ismunn aha tagid, tesdufferd i lxadtr, ul inw ikukm! Irefsan nnk heyyan ayennagh as righ ad idk mdukkulgh,meqqar da tteffred tizsilt nnk maca hatin tbayn ,acku lxir d ugalaz n urgaz unzsiz ur da yetteffer meqqar ittiri bab nns,netta amm lmesk tujut nns da ttagh akw tiseggwin .
Inna-s ugherda :
-G ugazar(animosité) llan sin; agazar ger sin imqaddan g tdusi zun illu d y izm , d ugazar g myagarent tzemmar zun ger i nek d muc negh ger i d keyyin..Awd aman meqqar ttilin da ssekwmadtn ig nneghlen ghf w afa da t sexsayn. Wenna yettemdukkuln netta d uzsengu (amiksn:ennemi) amm netta amm wenna yettasin tifighra g ugunun nns.Argaz unzsiz ur da yakk taflest nns (confiance) i wzsengu.
Inna-s uhaqqar :
-Nzsigh ayenna tennid,maca hat ur ghif k iffir id ayenna da y ak ttetregh da ttetregh s w ul inw izddign ! Ad ur ttinid nwis ur nghiy an-nili d-imeddukal n snnit,acku medden unzsizn ayt ugalaz ur da tgannan ad asn -d yaghul lxir nna da tteggan i wiyadt ,wenna da yetteggan ka da t ittegga,-amk da ttinin, g udm n rebbi ! Tadukli ger medden inmen deghya ay da tgemma d ur da ttebbi fissaà,tga amm tqellabuct n w urgh (jarre d'or) ur da tterzsa fissaà,ar ttuàdal deghya ig terzzsa.D tdukli ger ayt timmuksut da tmadtal g tegmi ar ttebbi fissaà,amm tqellabuct n talaxt da tterzsa fissaà ar itceqqu ad munent tceqqufa nns. D bu timmuksut ur da yettiri kanyan xs ig yannay digs tanfa nns negh is seg digs iksudt .D nek hat righ bahra tamunt nnk ,acku bab n unumk(générosité) ay tgid.,hayyi ad qqimgh dat imi n tgemmi nnk ;ur ttetcagh ula swigh ard i tged d-asmun nnk!
Inna-s ugherda :
-Xlah hayyi mmirwegh tadukli nnk! Acku ur djin i yettir kanyan ka n tghawsa aha raregh t xf w udm nns .Nnigh ak aya mar ad isingh id stit ur i trid ka n uzwar, awd mk i trummdted ur ttighild is lligh d-amghendef
Iffegh-d ugherda gher imi n uxbu ibedd,isawl uhaqqar inna-s :
-Max ad ur -d tenmalad gher da!? Tsuld g tugda d turda !?
Inna-s ugherda
-Medden da ttemyafkan ger asn snat tghawsiwin: taghawsa d-ikkan ul d tenna d-ikkan afus ,winna yettemyafkan tin w ul nitni d-izedganen,winna yettemyafkan xs tin ufus ur da rezzun xs ghf tanfiwin nsn.

 

[lacen]

Re : La Prose

Wenna da yetteggan lxir ar itganna ad as ed yaghul s kra n tanfiwin n tudert amm netta amm unegmar iggarn irdn i yigdtad,ur da yrezzu tanfa n igdtad ,tin ixf nns ay da yrezzu. ;seg ul gher ul yuf seg ufus gher afus,ghila hayyi fkigh ak taflest inw amzsegh tinnk,ur ghur i yeqqimi ka n turda (doute) g tzedgi n w ul nnk,ghiygh ad en ffghegh maca ssnegh is ghur k imeddukal nnk ,-nitni d-imiksnen inw(ennemis); ggwdegh ad i ttcin!?
Inna-s uhaqqar:
-Seg tmitar n umeddakl da yettili d-ameddakl i wmeddakl n umeddakl nns yili d-azsengu (ennemi) i wzsengu n umeddakl nns.Nek ur ghur i yelli ka n umeddakl nna ur k ittirin ,wenna wr k irin nek ad t nnalgh,ur ttadjagh awdyan ad izswa ukmirn nns (limites).
Ilemmin iffegh-d ugherda gher ahaqqar msuzuln ,msizdign ul awn d seg w ass nnagh mdukkuln g tumert d umdaz .Zrin w ussan ,yat tiklit inna-s uhaqqar i wgherda:
-Han tigemmi nnk tenmala gher abrid n iwdanen ,da tteksudtgh ad ur k iwwet s uzsru ka g icirran izerrin da.Hat illa yan w ansa issinfn xf iwdanen ,illa ghur i digs yan ifkr ameddakl inw axatar ayd iga.Ansa g llan cigan n iselman ,illa digs mas mezyan nettidir ,amya wr agh ityusar digs.Ad k asigh neddu annidir dinnagh g tumert d talwit.
Inna-s ugherda:
-Awd nek adday en nawdt ad ak qqisgh atdas n tenfusin d tmucuha,aywa xs afrawagh seg sya!
Yasi uhaqqar agherda seg tcenyalt nns yaylal ur en irsi ar adghar nna y as inna.Llig en nmalan gher amda,ifkr xs izsra tn tali t tugda ur issin id ameddakl nns ayennagh,imik ighr as uhaqqar iffegh-d seg umda iseqsa t :
-Ma seg ed tekkid ?
Yals as uhaqqar i tenfust nns llig idtfar tatbirt mm tzelgha d mamk inmaggar d ugherda.Llig isella y ifkr tanfust n ugherda ,imdez s is cigan isuf is ,inna-s:
-May k id yiwin gher tmurt a ?
Inna-s uhaqqar i wgherda:
-Iwa ghila ini y i tinfusin d tmucuha nnk ,trard xf useqsi n ifkr,han tizi nns amm tinw ghur k.Ibdu wgherda ar asn icehhu ,inna-sn :

 

[lacen]

Re : La Prose

Ibdu wgherda ar asn icehhu ,inna-sn :
-Tizwiri lligh zedghegh di temdint n Marut g tgemmi n yan umhawc(mystique) ittidirn xs netta;ur dar s tamettdut ula y icirran .Illa ku y ass da-d ittawi tazyawt n w utci ,da yettetca seg digs imik yagl tt g ughrab,da t ttadjagh ard iffegh aqq en ghf tezyawt ,da ttetcagh ard djawnegh fkegh ayenna d iqqiman i y igherdayn yadtn.Irmi wmhawc as ismuttuy ansiwn i tezyawt nns maca dima lligh da tt en ttawdtegh meqqar taggug.
Maca yan y idt insa ghur s yan unebgi ,llig tcan swin bdun ar ttemsawaln ger asn ,inna-s umhawc:
-Matta tmurt seg-ed tuckid ? Ma gher trid ad teddud ?
Ilemmin ibdu unebgi ar as itteqqis xf umuddu nns d xf tmizar nna-d ikka d xf temkerrawin digsnt yannay,id amhawc netta ku y as itsella itbeqqac s ifassn nns af ad idléh agherda seg w ansa g tella tezyawt ;imil izàef unebgi ighal is da ghf s ikkat umhawc taqebbatd,inna-s:
Nek da y ak sawalgh keyyin da ghif i ttessadt! ? Max akw ad i tseqsad !?
Inna-s umhawc :
-Ssurf i bezzaf ! Da tbeqqacgh mar ad zzàegh yan ugherda i yesxubn adtu ;da y i yettadja bla y utci!
Inna-s unebgi :
-Id yan ugherda ay da k ittakrn utci nnk mid cigan n igherdayn ?
Inna-s umhawc:
-Ggutn ghur i g tgemmi maca yan digsn ay i yesserzsagn tudert,ur ghur i ma y as tteggegh!
Inna-s unebgi :
-Tessektid i awal n wenna yennan :" maci xs amkis ay tsemmeksel tmettdut zznejlan anezslum s zznejlan bu yferki"
Inna-s umhawc :
-Mamk as tejra ?
Inna-s unebgi :
-Yat tiklit lligh d-anebgi ghur yan urgaz ,llig nemmensu ,kuyan iwarà ussu nns ad ign,attayn n w ammas n y idt selligh as ar as ittini i tmettdut nns :
-"Asekka hatin dar ngh kra ynebgawn ,ndaz i ymensi nsn"
Trar as tmettdut nns tenna-s :
-" Amk da tessigird i medden gher imensi d nekwni ur da nettafa mas nekkes lazs i tdisin nngh, ka wr ghif ngh icaydt,ur da ttadjad ula tesmutterd amya !?
Inna-s urgaz nns :
Ad ur am ttegrazs ghf uyenna nsetca nesseghres t acku taqeccact d usmuttr da ttaghuln s uzwar ghf bab nsn,amm uyenna y as ijran i w agruccn(loup).
Tenna-s tmettdut :
Mamk as tejra ?

 

[lacen]

Re : La Prose

erratum(8ième ligne)

..af ad i yedléh seg w ansa g tella tezyawt...

 

[lacen]

Re : La Prose

Tenna-s tmettdut :
Mamk as tejra ?
Inna-s urgaz :
-Ar cehhun is tt en ikka yat tiklit yan urgaz iffegh ad igmer ,ur ilkim tagant allig izsra yat tzenkatd iwwet tt irdel tt ,yasi tt y iri ad yaghul gher tgemmi nns maca ur igri xs kra n tsuraf iffegh as-d yan y ilf ,iwwet t s yat twesremt maca ur igi y ilf mag itterdal allig t inges,issekcem digs tughmas nns ,mmten s-sin .Deffir imik n ukud iddu-d yan w agruccn (loup) yaf argaz d uzenkadt d y ilf mmutn inna g iman nns :
-" Yiwy i-d rebbi may ttetcagh ussan d imalassn,maca yuf mk bdigh seg twesremt ,awd nettat ad tt tcegh."
Xs ibda ar tt itqerrac deghya tennurzsem tewwet t gher tmeggert tnegh t .
Fkigh am aya n umedya mar ad am inigh nwis asmuttr d uqeccec ur da tteggran i bab nsn xs s uzwar.
Tenna-s tmettdut :
-Ifulki uyenna tennid ,hat illa dar ngh rruz d zznejlan ittezzun i sdtis ngh sa inebgawn,xs gher-d i winna trid!
S asekka tifawt tekker tmettdut tasi zznejlan tferren t ,tekkes as iferki tessird t tsirs t g tafuyt ad izwu,tenna-s i yan seg w arraw nns :
-han n zznejlan g tafuyt ghura-k ad t awdten igdtad negh iydan!
Teftu taghul gher tenwalt ad tdaz i y imekli ,icirri netta yiwi tt g urar nns ittu zznejlan ,idda-d yan y iydi ar digs itmerragh,tamettdut iqezza y as t w ul nns ,tasi zznejlan teddu gher ssuq tsemmekselt s zznejlan bu yferki .Akud nni nek lligh di ssuq ,selligh i yan urgaz da yettini " maci xs amkis as tsemmeksel tmettdut zznejlan anezslum s zznejlan bu yferki".Awd aya n ugherda maci xs amkis as da yettighiy ad k yaker,illa ka deffir tazmert nns.Ghila kker awy i-d yat tgelzimt ad ghzegh axbu g da yetteffer.
Iddu umhawc yawi-d ghur w adjarn nns yan ugelzim ifk as t i wnebgi .Akud nni nek lligh jaj n yan uxbu yadtn da tsellagh ayenna da ttemyinin.Axbu nu tella digs timidti n idinarn,ur ssingh mamk ula wenna tt isarsn dinnagh. Ar iqqaz unebgi allig tt in ilkem , inna-s i wmhawc:
-Idinarn ddegh ay da s yakkn i wgherda tadusi s itneqqaz ,ayennagh as ur da ttighiyd ad t tamzsd ! Iqaridtn fkan as tazmert n w annli d tin ufud ,tura ur izdtar ad itneqqaz amk illa da yettegga!
S asekka ftun-d dar i akw igherdayn ittidirn seg uyenna da-d ttakregh i wmhawc , nnan i :
-" hat inghagh lazs ,awyagh-d may nettetca"
Munen idi gher ansa nna seg lligh d yasn-d ttawigh utci ,bdugh ar tneqqazgh gher tezyawt allig rmigh ad tt en lekmegh. LLig ssnen is ur ghiygh i ka ,bdun ar ttafudtn ,sellegh i kra seg digsn ar ttinin :
-" hat ur iqqimi dar s umya,kuyan iftu ad isiggl deg ka w ansa yadtn ma yettetca .."
Iwa gn i d-asedtsu ddun adjn i xs nek munen d imiksnen inu (ennemis),seg w ass nni awd yan digsn ur iqqimi da y i ysawal .nnigh g iman inu :

 

[lacen]

Re : La Prose

Iwa gn i d-asedtsu ddun adjn i xs nek munen d imiksnen inu (ennemis),seg w ass nni awd yan digsn ur iqqimi da y i ysawal .nnigh g iman inu :
-"Han ka n taymat ula tadukli n fabor ur telli ! Iqaridtn!Iqaridtn! Ayayd n inuruzn irzsa tn zzeldt ,isu tn w akal amm w aman n unzsar ur ittawdtn isaffn !
Wenna m ur ghur imeddukal ur ghur s lahl,wenna wr ed yudjin ka n icirran da t ttettun medden,wenna m ur ghur adrim ur ghur s allagh,ur ghur s ddunit ula ghur s lixert;acku amk ttinin "war leflus awal nns imessus" ur illi wenna t ittirin; iga gma s negh ulahl nns,netta amm w addag n tama ubrid ityattcen seg ku tasga ,wenna yzeldten awdyan ur t iri acku afus nns ittuga i yimzs maci i tukki ! "
Afgh en id Azladt ayd igan azsur n tlufa,ur da d ittagl i bab nns xs tixxut d tmedjawt,amezludt ur iswi amya deg w alln n wiyadt,ur ghur s asmun,akw ayenna yesxitirn amawan(riche) da yessizdir amezludt,tita y akw da t ttaàunt,ig ur yukir gin t d-amexxar,ayenna yexxan abda islegh as tasga;mk illa d-anebghas(courageux) inin as tgid bu zzsazsat,mk illa d-aneffalkay(généreux) inin as tgid amesserfeq,mk illa d-amessurf inin as tgid igellin almamac,mk illa d-unzsiz inin as tgid anafal. Tamettant tuf gar-tudert ittawin amdan ad idtr afus i gar-bnadm ur issinen xs taxendallast d timmuksut. Argaz aneffalkay da y as ittafa ad yazdt afus nns i tfighra ad t teqqes ula yazdt t i war-ul axendallas bu timmuksut.

 

[Aghrabi]

Re : La Prose

Iwa gn i d-asedtsu ddun adjn i xs nek munen d imiksnen inu (ennemis),seg w ass nni awd yan digsn ur iqqimi da y i ysawal .nnigh g iman inu :
-"Han ka n taymat ula tadukli n fabor ur telli ! Iqaridtn!Iqaridtn! Ayayd n inuruzn irzsa tn zzeldt ,isu tn w akal amm w aman n unzsar ur ittawdtn isaffn !
Wenna m ur ghur imeddukal ur ghur s lahl,wenna wr ed yudjin ka n icirran da t ttettun medden,wenna m ur ghur adrim ur ghur s allagh,ur ghur s ddunit ula ghur s lixert;acku amk ttinin "war leflus awal nns imessus" ur illi wenna t ittirin; iga gma s negh ulahl nns,netta amm w addag n tama ubrid ityattcen seg ku tasga ,wenna yzeldten awdyan ur t iri acku afus nns ittuga i yimzs maci i tukki ! "
Afgh en id Azladt ayd igan azsur n tlufa,ur da d ittagl i bab nns xs tixxut d tmedjawt,amezludt ur iswi amya deg w alln n wiyadt,ur ghur s asmun,akw ayenna yesxitirn amawan(riche) da yessizdir amezludt,tita y akw da t ttaàunt,ig ur yukir gin t d-amexxar,ayenna yexxan abda islegh as tasga;mk illa d-anebghas(courageux) inin as tgid bu zzsazsat,mk illa d-aneffalkay(généreux) inin as tgid amesserfeq,mk illa d-amessurf inin as tgid igellin almamac,mk illa d-unzsiz inin as tgid anafal. Tamettant tuf gar-tudert ittawin amdan ad idtr afus i gar-bnadm ur issinen xs taxendallast d timmuksut. Argaz aneffalkay da y as ittafa ad yazdt afus nns i tfighra ad t teqqes ula yazdt t i war-ul axendallas bu timmuksut.

Yura Lahcen;,-"Han ka n taymat ula tadukli n fabor ur telli ! Iqaridtn!Iqaridtn! Ayayd n inuruzn irzsa tn zzeldt ,isu tn w akal amm w aman n unzsar ur ittawdtn isaffn !

Wenna m ur ghur imeddukal ur ghur s lahl,wenna wr ed yudjin ka n icirran da t ttettun medden,wenna m ur ghur adrim ur ghur s allagh,ur ghur s ddunit ula ghur s lixert;acku amk ttinin "war leflus awal nns imessus"

ur illi wenna t ittirin; iga gma s negh ulahl nns,netta amm w addag n tama ubrid ityattcen seg ku tasga ,wenna yzeldten awdyan ur t iri acku afus nns ittuga i yimzs maci i tukki ! "
-------------------------------------------------------------------------------------------------

Ti gurwin da th'nnit digsen SsaHt a wma Lahcen,Dunit t'r wi ur digs i sul la tagwmatt wala tidukla,ur i sul lkhir g bnadem wakh ukan iha icharran n yan,assa meddn ur da t ra'3an ghas ikkaridn d tumu3 n Ddunit!

 

[lacen]

Re : La Prose

Iwa y asidibenthélluttinu iligh annaygh anebgi llig yusi idinarn,ifk as i wmhawc azgn yamzs azgn Amhawc g tgira n y idt yusi idinarn nns iger tn ddaw tattagt nns.
Nek idtr i w ul ghif sn,kkaylelegh ad akregh seg digsn imik ad t raregh gher ansa nns g uxabu nw mawr i d ttaghul tdusi nw af ad-d werrin digh ghur i kra ymeddukal .Ur wenningh asigh tarula gher amhawc allig en gulagh tama n ixf nns afgh t in yettdes,maca y anegbi netta isul immuyd d deg ufus nns yat teghruct ,ur gigh mag reggwlegh allig i yewta gher tzellift ,ulin i ingazsn,freftdegh imik maca deghya nnxerdtegh gher axbu .Llig ghif i yusy ungazs idtr i digh w ul, kkaylelegh ,ur wenningh nbuttlegh ger tghawsiwin deghya beddegh en tama n ixf n umahawc ,xs izsra y i digh unebgi isemneqqar i gher ixf imerz i,ur en iwidtgh axbu nw xs s bezziz ,sexfegh alin i ingazsn ixatarn ,seg syinnagh ayd ukdtegh idrimn d ku ma y ed ittekkan seg digsn,ku tiklit ig ed ktigh mag-gan adrim da y i ttamzs tugda tazmamart ar ttergigi tfekka nw..Ar txerrasgh afgh en id arwas n tudert ur da t id itawi xs taqeccact d tdturinwul issidirn bab nns g taluft d gar-tazzla d txendallast, afgh en nwis tamara n umuddu gher tmizar yaggugn ghf rrzeq d ughrum tuf s wahli tin tuzdta n ufus gher aneffalkay buwedrim, ur illi ma yufn tullza (satisfaction) d trebbawt .Iwa yawy lh'al allig aghulgh usigh ul inw nnig irkan n ddunit,ffghegh seg tgemmi n umhawc ddugh gher amerdul ,dinnagh iwin -d w ussan ad mdukkulgh da yat tetbirt yat tdukli timheyyit nna-d yiwin tiyadt. Ameddakl inu ahaqqar isawl i xf tdukli tameqqrant izdin ul awn nnun,inna y i nwis ira y ad iddu gher da ,mungh ed ids acku ur zdtargh ad qqimgh d-awlawal(solitaire),amadaz n tudert ur t igi xs tadukli n taymat,ur illi ka n tghufi ula ka n umarg innugn win imeddukal ig en llan g tmura yaggugn.Tudert tesslemd i nwis ur as ilaq i wmdan unzsiz ad itter seg ddunit ugar n uyenna s ittidir ;imik n w utci d tissi d udjudjeg d talwit n lbal tuf akw ddunit s may tla n iqaridtn.

 

[lacen]

Re : La Prose

wa d-awal n ugherda i wgaywar ameddakl nns llig ftan gher ifker yan seg ismunn ixatarn n ugaywar.
tanemmirt Aghrabi!

 

[Aghrabi]

Re : La Prose

imik n w utci d tissi d udjudjeg d talwit n lbal tuf akw ddunit s may tla n iqaridtn.

S'ufella1

ukan ar it'tta tuwrrift d imtmin n usmun

 

[lacen]

Re : La Prose

D urgaz meqqar illa d-amawan ur da yzizzil seg idrimn nns xs imik nna s issidir iman nns, da yettetca ar issa ar illas amm wiyadt ,ur tn yugir s ka yadtn..Abrid a n tzedgi ay agh ismunn nek d uhaqqar neddu-d ghur k,g i d-gma k,tsirsd i g tizi taxatart nna g da-k in srusgh.
Llig ikemmel ugherda awal nns irar as yifkr s kra n tawaliwin timaleggwaghin yadtfutn,inna-s:
-Selligh i wyenna tennid ,ifulki bahra ! Maca xs ad ur tberrid ul nnk s tlufa yezrin ! Isin nwis awal inmen ur da yettili ghas s twuri yzsiln ,amudtin issnen asafar n ighenca nns aha wr t igi tussna nns ur teswi amya ;ingazsn ay as-d iqqiman! May k illan meqqar ur llin iqaridtn ,allagh aghf illa lh'al ! Argaz unzsiz ilan uddur ur-id iqaridtn ay da t issemghurn ,netta hat amm y izm meqqar ittukref ar issiwid ,d umawan war-ul meqqar dar s bezzaf n iqaridtn abda netta amm y iydi ur da tt ittawi digs awdyan waxxa y as tyagalnt tsedday d izebgan n w urgh. Iwa y ad ur k tterru tghufi ,unzsiz timlellay n ddunit ur da t sennejlant,amm y izm abda ymun d tdusi nns,xs ini y as i y ixf nnk ad ittmer yefles g ixf nns,acku mk tumend(tfelsed) g iman nnk uddur akw n ddunit ad ghf k ed yaddum amk tteggan w aman g ukwessar Uddur ur da yetmun xs d wenna yezsman idzan isnighisn ar itxerras g tghawsiwin n tudert maci d wenna yulwan igufn .Ar ttinin kus n tghawsiwin ur da tghimant ula dumnt ;amalu n usignu g unebdu,tadukli ger ayt txendallast,tiszki tar llsas d iqaridtn iggutn. Bnadm unzsiz ur da t teskukum tdersi n iqaridtn ,tawant nns netta tella deg w allagh nns d g twuriwin izsiln nna da yettegga g tudert nns ,tighawsiwin a nna wr ighiy awdyan ad as ikkes .Rnu xf uya bnadm unzsiz ur da yettettu may t in iqqnen g lixert ,acku ur illi wenna yessenn melmi d matta w ansa g ittemtat ,Ula ma y ak nnigh ula rnigh ak t,aya tessend t ! Nnigh ak t mar ad tisind nwis yan seg dignegh ay tgid ,keyyin ghila d-gma tngh,ur ak nettiri xs ayenna nettiri i y ixfawn nngh.
..

 

[lacen]

Re : La Prose

Llig isella uhaqqar i w awal amdtfut n ifkr i wgherda imdez cigan isawl inna-s :
-Tessumerd i cigan ,ssaramgh awd keyyin ad ighumm umdaz ul nnk! Anammar (l'heureux) g tudert a netta wenna mi ghur suln imeddukal d w awmatn n tzedgi d ugharas inmen nna da yessemdaz ar t ssemdazn , bdtun ma yadtfutn d ma yerzsagn ,myiwisn aggwa n w ussan ,wenna mi yekkaw digsn ufud da yettafa wiyadt tama nns amm illu(éléphant) asag itwihn g w aludt ur da t i-d issufugh xs adjadn (éléphants) yadtn.
D uhaqqar isul da ysawal imik ha yat tzenkatd tucka-d ghur sn ,ifkr s tugda ikerkwebba gher amda ,agherda deghya ikcem axabu nns d uhaqqar yunf igeldan nns yaylal irs-en fella w addag , imik digh yafraw s igenna ad imuqql is illa ma y ed idtfarn tazenkatd,ar issara allig ur yannay ka ,ighawl ighr asn-d i y ismunn nns agherda d y ifkr. Ffghen-d ,tazenkatd nettat tella tbedda da tseksiw gher aman ,isawl as y ifkr ,inna-s :
-Ad ur tteksutd,sew mk digm illa fad !
Tenmala ghur s tzenkatd ,tsuzzel fellas , ifkr s umdaz iberrek s is ,inna-s:
-Ma seg ed tuckid?
Lligh da ttawghegh g umagha allig ghif i-d ffghen kra ynegmarn,bdun ar i deffurn seg w ansa gher w aydt ,ass a zsrigh yat tsaywalt tessiwd i ,ggwdegh ad tili d tin kanyan seg digsn.
Inna-s :
-Ad ur tteksutd ,dahi wr djin nannay ka n unegmar,berrek dar ngh ,temdezd s ixf nnem ghur ngh ,ha y aman d tuga ggutn ghghi ,seg sya gher dat hatin tasmunt nngh ay tgid.
Iwa teqqim idsn tzenkatd ar ttidirn g tumert d talwit ,da ttenmiggirn ddaw yan ufersi ar ttemraran ger asn iwaliwn d ineghmisn n tagant .Yat tiklit ur ed tucki tzenkatd gher ansa ,ar tt tgannan allig rmin ,ksudtn ad yili yejra y as ka n uzwar ,ihi yenna-s ugherda d y ifkr i whaqqar :
-Aylal muqql ma yellan !?
Yafraw uhaqqar gher igenna yizsir en tazenkatd tella tetyattdef ger ifilan n tratsa ,deghya yers ed tama n imeddukal nns ,isennghems tn s ma yellan ,inna-s netta d ifkr i wgherda:
-Iwa y amm ta i mi k nra! Kker ssenjem gma k!
Yasi wgherda tarula gher tzenkatd ,ilkm tt en ,inna-s:
-Ma mk am tejra allig tedtrid g tenàimalt a d kemmin seg tmesgwal (intelligentes)!?
Tenna-s tzenkatd:
-D-tirra-n- rebbi !
Suln d asawaln ha y ifkr ilkm tn in ,tezlem gher s tzenkatd tenna-s :
-Ur illi ghif k ad-d teddud ! Tsettul ak twada,ksudtgh ad k yamzs unegmar,tura mk ed idda deffir tubit n ifilan a ineggura ,agherda netta ad ikcem ka g ixuba ,nek ad rewlegh ur i yettamzs ,ahaqqar ad yaylal d keyyin ad tyitdfed.
Inna-s ifkr :
-Tudert tar tadukli d taymat d-gartudert ! Ig ibdta usmun d usmun nns ul nns da yetteftuttus, azmummeg da ynettel seg udm nns d y izsri n w allagh da y as itteqqen.

 

[lacen]

Re : La Prose

Ur igi mag itkemmal awal nns allig ghif sn en ibedda unegmar ,agherda yendta tubit n ifilan irwel ikcem deg yan ixerdt ger izsra,tazenkatd tenjem s ixf nns ,ahaqqar yaylal ,ifkr igellin iqqima-d xs netta .Inmala -n unegmar gher ansa yaf taratsa nns tebbey ,immuqqel gher tseggwin nns yaf ifkr, yasi t ikref t.
.Ahaqqar d ugherda d tzenkatd nmaggarn ,zsran ameddakl nsn ittuyakref kukmen qqimin ar ttemdakarn xf may tteggan.Inna-sn ugherda :
-Ur da nzerrey asawn ard naf waydt t yugren dat agh! Ighwzsan wenna yennan:
"Amdan abda xs ar ittazzal skud ur t tewti tficcekt,xs da t tekkat yat han tiyadt zsir s,ar itterdal waxxa yettili wbrid nns inem yaksul.".Ur ttadjagh ifkr asmun inw ad t yagh ka n lbas,taymat ger angh tzeddig ur digs tadturinwul,nettat tin w uddur d ussemghwer ay tga,tuger taf tenna da yesmunen argaz d memmi-s,tamunt ur ittesmurn xs mk agh tebdta tmettant ! Wiyyha nns i tfekka ,seg tmara gher tayedt abda xs ar ttazzal ,ur da y as itdum umya izsil negh ur izsil ;tin y itran; wenna-d ilulan iqqen t in ad yeghli d wenna yeghlin iqqen t in ad-d yali.negh amm wenna yetturtsen yaghul digh ijji negh amm wenna mi yegrurs w ul nns xf bettdu n aytma-s deffir akw tamunt zeddign illan tn izdin .
Tenna-s tzenkatd d uhaqqar i wgherda :
-Akw nngh neksudt ghif y ifkr d w awal nnk waxxa yzsil maca wr issenjam ifkr ! G tmara ay da tyissinn medden,d g tukki d y imzs ay da yetyissin bu-teflest d war tt, d g twerghiwin n ddunit ay da yetyissin wenna ygan memmi d ulahl d wenna wr t igin d imeddukal ur gin imeddukal mk ur da tbeddan g tlufa!
Inna-sn ugherda:
-Tiddest nna zsrigh nettat ad tenmilid a tazenkatd gher anegmar tged ammi tetturtsed yagh en ghif m uhaqqar ammi da km ittetca, nek ad en nmiligh ad muqqlegh mawr irezzem i tratsa d y ifkr adday en yazzel gher wn,ig kwen in ilkem rewlat maca ad ur ttagugm mar ad iqqim da kwen ideffur af ad afgh ad bbigh ifilan ikrfen ifkr.
Ayennagh ayd iga whaqqar netta d tzenkatd,iqqim unegmar xs ar tn ideffur allig yaggug xf y ifkr,iddu wgherda ibbey ifilan yenjem y ifkr .Llig yaghul unegmar gher ansa yermi yewhél iga yakw tidi,imuqqel gher tratsa yaf tt en tebbi d y ifkr walu t,ixemmem g tittal n tzenkatd tafukalt d g w amk illa da tt itneqqab uhaqqar d g tubit n ifilan ibdu w allagh nns da yettemlulluy tekcem t tugda d usxuxxi n w ansa , inna g iman nns :
-Ansa y a digs irinn(les démons) d ihérga !
Inbuttel ger w addagn ,iddu da yettazal min ad izlim gher deffir.
Id ahaqqar d tzenkatd d ugherda d y ifkr nitni s umdaz aghuln g lehna d talwit gher ddaw ufersi nsn
S taymat tazedgant d umdaz izeddin ulawn d umsawadt d twizi as iwdten idturas a imezzsann ad nejmen seg mecta n uzwar d tassast ,aya d-tamsirt meqqurn i y iwdan nitni nna da yesnighisn ar demmun yilli ghur sn w allagh d tinzsi, isinen ma yzsiln d ma wr izsiln ..Tanfust a d-amedya n tamunt izeddign izeddin ger imeddukal n s-nnit !

**************


ismar y" imir n tetbirt mm tzelgha" deffir as "imir n id-muka d igaywarn"
tanemmirt

 

[Sin]

Re : La Prose

Ayyuz n c a Lacen iz'il w awal n c ighuda cigan.

 

[lacen]

Re : La Prose

tanemmirt Sin ! ha y imir wis kuss


Imir n tkeàwan d ihaqqarn
**

Inna-s Dabcalim agellid i wmusnaw Baydaba:
-Selligh i tenfust n w awmatn tesman tdukli d twizi tazedgant ,dghi awy i -d yat tenfust xf ucengu anéhlalam bu tléhlihîn nna gher ilaq ad itturar lbal d taghdeft !
Inna-s umusnaw :
-Wenna yumnen g ucengu ysuln d-acengu amk lli yella ,da t ittagh uyenna yaghn tikeàwan (hibous) seg ihaqqarn.
Inna-s ugellid :
-Mamk asnt tejra ?
Inna-s Baydaba :
-Ar ttinin is tt en ikka yan urabbu meqqurn n ihaqqarn ittidrn ddaw tenbatd n ugellid nsn,llan szkan igatufn nsn deg yan udrar fella n yan useklu seg isekwla ikeswatn,yili tama nsn yan ifri g da ttidirnt cigan n tkeàwan ddaw tenbatd n ugellid nsent,ilint ur mserwant ka d ihaqqarn
Yan w ass iffegh ugellid n tammukin (hibous) ar issara ,ul nns itkar s tixxut i wgellid n ihaqqarn ,wa awd netta ur illi da t ittîhmil,imik tekker tnaghit ger asn,aghn en id muka ghf ihaqqar g ifri nsn ,-illa lh'al d-idt ,ssiwnen asn tita ,d uneqqeb ,nghin digsn cigan ,llig ed tneqqer tafuyt ddun ihaqqarn gher agellid nsn nnan -as:
-Tessend azwar digngh qqnen id muka idtgam gg idt !? Ur ill wenna digngh inejmen,ka yemmut ,ka yetturtes ,ka yafraw as uzag,ka tacenyalt,ka y ijjîj nns yagh akal,...(isul)

 

[lacen]

Re : La Prose

Tessend azwar digngh qqnen id muka idtgam gg idt !? Ur ill wenna digngh inejmen,ka yemmut ,ka yetturtes ,ka yettuglef,ka yafraw as uzag,ka tacenyalt,ka y ijjîj nns yagh akal, d uyenna y agh ibrin ulawn aburz nsn ghif ngh d tusna nsn n udghar nna g nezdegh, seg sya z-dat ku tiklit ha tn a zsirngh!.Iwa ini y agh may tannayd a y agellid ad agh issufgh seg ubanas a !?
Yili g ihaqqarn semmus n winna ylan rray ,da y isn ittemdakar ugellid nsn deg w atdas n tghawsiwin n tgelda ,d adday tili ka n tassast meqqurn nitni a mi da ttaghul ad as afn arezzsum.Inna-s ugellid i wmezwaru seg semmus nnagh n ihaqqarn :
-May tannayd g tittal a ?
Irar as inna-s:
-Ur udjin imusnawn may ttinigh! Nnan :
-" dat yan ucengu amcum tarula tuf!"
Inna-s ugellid i wis-sin:
-May tannayd g tittal a ?
Irar as inna-s:
Ayenna yenna wmeddakl inw;tarewla tuf!
Inna-sn ugellid :
-Uhu,rray nnun ur issufgh ! D-azwar axatar ad neffegh tamazirt nngh min ad ghif s newwt ,ur netteffegh seg sya xs mk agh rzsan ! Ur ilaq an-nerwel ;ad ndaz i wmennugh mgal nsn nrar mezyan taghdeft zsirsn ,ad nhézzem nekkuta nennagh idsn s tebghest timhérrit d tdusi y akw ghur ngh illan arasmi tn nrura gher deffir .
Izlem ugellid gher wis-kradt inna-s :
May tannayd keyyin?
Irar as inna-s:
-D gar-rray ay nnan imeddukal inw!..

 

[lacen]

Re : La Prose

Irar as inna-s:
-D gar-rray ay nnan imeddukal inw!
Ayenna ylaq an-neg netta ad nanef tittdawin nngh ,nerzsem i y igusasn nngh gher acengu ad agh-d awin ma ghf issens ,is ira ad idngh imtaway mid ira tighmi ad as tt nefk ula nemmagh ids !? Mk id xs mukkus ay ran ku y aseggwas nazn asn imik n iqaridtn i tkeàwanin a, neqqim g lehna d talwit g izeddughn nngh ;acku ar ttinin igellidn nwis asag k yuger ucengu nnk tisind id ak yernu ;yuf mk as tefkid mukkus d tmazirt akw, nettat d tgelda nns ,ula isut ak azwar!
Inna-s ugellid i wis-kuss:
-Hi keyyin may tannayd g uya yenna umeddakl nnk?
Inna-s:
maci d-rray unzsiz! Yuf an-neffegh tamurt nngh nedàen i tghurrba d tlufa n tudert ula nezla anza nngh nezrey ddaw idtarn n ucengu amazdar ur ilin uddur ghur ngh illan ;d tkeàwan meqqar asnt tessenmald aya ur nnint ad is qeblent ,ad agh rzunt ugar,d uya wr ilaq! Ar ttinin g imedyatn "mk trid ka n taghawsa ghur ucengu ad ur ghr s ttenmilid cigan ,xs imik mar ad ur yisin ma ghf teszkid ,hat ig t issen usin k w aman .Tagejdit ig tt teshûdderd yedris umalu nns ,ig tt tesbeddid yedtghu;muka acengu nngh ur ittiri seg digngh xs ahûddr! .Han rray d-winngh a y agellid ,id imenghi netta hat winnk ,ayenna trid neg t !

 

[Sin]

Re : La Prose

Walu mayd yarun ka?